Айыл чарба министри Аскарбек Жаныбеков азык-түлүк коопсуздугу боюнча брифингде Кыргызстанда азык-түлүктүн жеткиликтүүлүгү боюнча кооптонууга негиз жок экенин билдирди.
“Бүгүнкү күндө кайра иштетилген кумшекерди, ошондой эле 1,5 миң тоннага жакын импорттук кумшекерди, «Кайыңды Кант» ААКнын кампасында сакталган 11,5 миң тонна кумшекерди эске алганда, жалпы көлөмү 20 миң тоннага жакын кумшекер бар, бул калк үчүн 2,5 айга жетиштүү. Мындан тышкары, кампаларда үч айдан беш айга чейин жете турган өсүмдүк майы жана кумшекер бар. Бул азыктар боюнча тынчсызданууга негиз жок”, — деди министр.
Жаныбеков белгилегендей, өлкөнүн кампаларында иштетилген унду кошпогондо 60 миң тоннадан ашык буудай бар.
