Бишкек шаарынын аймагында өздөрүн ички иштер органдарынын кызматкерлери катары тааныштырган адамдардын мыйзамсыз ишмердүүлүгүнө бөгөт коюлду. Бул тууралуу ИИМдин басма сөз кызматы билдирет.
Маалыматка ылайык, аталган адамдар турак жайларда мыйзамсыз ишмердүүлүктү уюштуруу фактыларын аныктоого багытталган кызматтык текшерүүлөрдү жүргүзүү шылтоосу менен жарандардын батирлерине мыйзамсыз кирип, акча талап кылышкандыгы аныкталды.
Бул факты боюнча Кылмыш-жаза кодексинин 206-беренеси (тоноо) менен кылмыш иши козголду.
Иликтөөнүн алкагында 1995-жылы туулган К.Ж., 1994-жылы туулган Ж.Э.Ж., 1995-жылы туулган С.А.А. кармалган. Кармалгандардын бардыгы мурда жеке күзөт агенттиктеринин кызматкерлери болушкан.
