Америкалык хирургдар генетикалык жактан өзгөртүлгөн чочко жүрөгүн салган дүйнөдөгү биринчи бейтап каза болду. Бул тууркалуу Мэриленд университетинин медициналык борборунун дарыгерлерине таянуу менен «Би-Би-Си» жазып чыкты.
Дэвид Беннетт 57 жашта болчу. 7-январда ага эксперименталдык операция жасалган. Бул илимпоздордун көп жылдык изилдөөлөрүнүн натыйжасы болгон. Операция ийгиликтүү болсо, бүткүл дүйнө боюнча донордук органдардын тартыштыгына чечим боло алмак.
Басылманын маалыматына караганда, алгач жаңы жүрөк иштеп, бирок бир нече күндөн кийин анын абалы начарлай баштаган. Ал 8-мартта каза болгон.
