АКШда өрттөн куткаруу үчүн үч жашар баласын терезеден ыргытып жиберген киши видеого түшүп калган. Бул тууралуу чет элдик басылмалар жазып чыгышты.
Маалыматка караганда, кырсык Мидлсекс округунда болгон. Өрт турак жай комплексиндеги батирлердин биринен чыккан. Окуя болгон жерге барган өрт өчүрүүчүлөр жалын экинчи жана үчүнчү кабаттардын терезелеринен чыгып жатканын аныкташкан. Өрт тез жайылып кеткен.
Эркек киши күйүп жаткан батирдин балконунда камалып калган. Ал 3 жашар уулунун өмүр сактап калуу үчүн аны терезеден ыргытууга аргасыз болгон. Баланы полиция жана өрт өчүрүүчүлөр кармап калышкан. Ошондон кийин алар баланын атасына жардам беришкен. Натыйжада киши менен бала жеңил жаракаттарды алышкан. Дарыгерлер аларга жардам көрсөтүшкөн. Турак жай комплексинин дагы төрт тургуну түтүнгө ууланган. Алардын бири ооруканага жаткырылган. Имараттан жалпысынан 50 адам эвакуацияланган. Тергөөчүлөр өрттүн келип чыгуу себептерин иликтеп жатышат.
Rescue captured on officers’ body worn camera. Dad throws child out 2nd floor window to officers and firefighters, then jumps to escape flames consuming apartment building. pic.twitter.com/Ku5jQ6sOUy
— So Brunswick PD (@SoBrunswickPD) March 7, 2022
