Жогорку Кеңештин депутаты Айсара Абдибаева Аксы районуна иш сапары менен барып, Кош-Дөбө айыл аймагынын жашоочулары менен жолугушту. Бул тууралуу Жогорку Кеңештин басма сөз кызматы билдирет.
Маалыматка ылайык, жолугушууда аймактагы социалдык-экономикалык көйгөйлөр, анын ичинен ичүүчү суу менен камсыздоо маселеси, жазгы талаа жумуштарына көрүлүп жаткан даярдыктын жүрүшү талкууланды.
Муну менен катар айыл чарба тармагына тиешелүү көйгөйлөр көтөрүлүп, ирригациялык каналдарды тазалоо жана калыбына келтирүү маселелерге көңүл бурулду. Ошондой эле айылдагы ички жолдорду салуу тууралуу сөз болду.
