Акжол Махмудовго«Ош облусунун ардактуу атуулу» наамы ыйгарылды. Бул тууралуу президенттин Ош облусундагы өкүлчүлүгүнүн басма сөз кызматынан билдиришти.
Маалыматка ылайык, президенттин Ош облусундагы ыйгарым укуктуу өкүлү Зиядин Жамалдинов балбан Акжол Махмудов жана машыктыруучусу Мейрамбек Ахметовду кабыл алды. Облус башчысы Махмудовду эл аралык мелдештерде ийгилик жаратып жаткан жеңиштери менен куттуктап, “Ош облусунун Ардактуу атуулу” наамы жана акчалай сыйлык тапшырды.
Ошондой эле машыктыруучусуна да Ардак грамота жана акчалай сыйлык ыйгарылды.
Белгилей кетсек, Акжол Махмудов — грек рим күрөшү боюнча дүйнөнүн чемпиону, Ислам шериктештик оюндарынын алтын байгесинин ээси, Монголияда өткөн Азия чемпионатынын жеңүүчүсү. Ошондой эле Токиодо өткөн Олимпиада оюндарынын күмүш медалынын ээси.
