Чүй облусунун Аламүдүн капчыгайында дайынсыз жоголгон 28 жаштагы жаранды издөө ишине чыккандардын саны саат 15:00гө карата 358 адамга жетти.
«Алардын 187си Өзгөчө кырдаалдар министрлигинин куткаруучулары, Инсараг тобунун 5 куткаруучусу, 27 ыктыярчы, 139 ИИМдин кызматкерлери. Куткаруучулардын курамында 5 кинолог бар. Издөөчүлөр ӨКМдин 11 дрону, Инсараг тобунан 4 дрон, ыктыярчылардан 3 жалпы 18 дрон менен иш алып барууда. Мындан сырткары жалпы 20 техника, анын ичинен 17си ӨКМдики»,- деп билдиришти ӨКМден.
Белгилей кетсек, Аламүдүн капчыгайында дайынсыз жоголгон 1996-жылы туулган М уулу М аттуу жаранды издөө иши министр, генерал-майор Бообек Ажикеевдин жеке көзөмөлүндө жүрүүдө.
