Аламүдүн районунда адам өлтүрүүгө шектүү жарандар кармалды. Бул тууралуу Чүй ОИИБден билдиришти.
Маалыматка ылайк, 28-ноябрда Аламүдүн районунун Октябрь айылындагы эски бала бакчанын ичинен О.Г. аттуу жарандын зордук-зомбулук менен өлтүрүлгөн сөөгү табылган.
Аталган факт боюнча Кылмыш-жаза кодексинин адам өлтүрүү беренеси негизинде кылмыш иши козголгон.
Кылмышка шектелип 50 жаштагы Л.Р. аттуу жаран кармалып, ага карата камакка алуу түрүндө баш коргоо чарасы тандалган. Ал эми, белгисиз болуп жаткан анын шериги 39 жаштагы О.Н. аттуу жарандын дагы жүргөн жери аныкталган.
Шектүүлөр убактылуу кармоочу жайга камакка алынып, тергөө иштери уланууда.
