Аламүдүн районунда уурулукка шектүү жигит кармалды. Бул тууралуу Чүй ОИИБнын басма сөз кызматы билдирди.
Маалыматка ылайык, Көк-Жар айылынын жашоочуларынан Аламүдүн райондук милициясына эки арыз түшкөн. Анда белгисиз бирөө Көк-Жар айылынан велосипеддерди уурдап кеткенин билдирген. Келтирилген материалдык чыгым 70 миң сомду түзгөн.
Аталган факты Кылмыштардын бирдиктүү реестрине Кылмыш-жаза кодексинин 205-беренеси (“Уурдоо”) боюнча катталып, сотко чейинки өндүрүш иштери башталган.
Жүргүзүлгөн ыкчам иштердин натыйжасында жогорудагы кылмышка шектелип Бишкек шаарынын 19 жаштагы Ш.Д. аттуу жашоочусу кармалып, убактылуу кармоочу жайга камакка алынган.
Шектүүнүн дагы ушул сыяктуу кылмыштарга тиешеси бар экендиги тууралуу маалыматтар текшерилүүдө.
Учурда сотко чейинки өндүрүш иштери улантылууда.
