Америкадагы бороондо 21ден ашык адам өлүп, миллиондогон жаран жарыгы жок калды. Бул тууралуу чет элдик маалымат булактары жазып чыгышты.
Маалыматка ылайык, кырсыктан Техас өзгөчө жабыркаган. Ал эми өлүм Техас, Луизиана, Кентукки, Түндүк Каролина жана Миссури штаттарында катталган.
Америкалык метеорологдордун маалыматы боюнча, 17-февралда кечинде Техаста боорон тынчып баштаган. Бирок түштүк аймактарда абанын температурасы дагы бир нече күн төмөн болот деп эскертип жатышат.
Учурда Американын аймагынын 71 пайызында кар бар. Бороондун кесепети Мексиканын түндүк жана борбордук бөлүгүнө да залакасын тийгизип, электр жарыгы улам өчүп жатат.
