Ырчы Асема менен Анжелика учурда социалдык тармактагы баракчалары аркылуу чырдашууда. Буга ырчы Асеманын жергиликтүү каналга берген маеги себеп болгон. Ал маекте Асема «динди бетке кармап хайп жаратып жаткандарга ишенбейм»,- деген. Ырчынын бул сөзү Анжеликанын күйөрмандарын тынчсыздантып, чырдын күчөшүнө алып келди.
«Анжелика жоолук салынганга чейин ютуб каналдардын бирине интервью бергем». Ал интервьюмду блогерлер өзүнүн саясаты менен чыгарышкан. Мен бир нерсеге сүйүнөм. Анжеликага теңеп келген адамдар, демек мени ага конкурент көрөт экенсиңер. Саат 16:00дө элдин алдында түз эфирге чакырам»,- деген ырчы Асема. Ошондой эле ал катталуучуларына видео кайрылуу менен «Анжелика сен мага кызык эмессиң» деген пикирлерин дагы билдирди.
Ал эми, Анжелика айым «Мышык майга жетпей сасык дептир…Мен блогер эмесмин! Демек мен тууралуу жүрөгүмдөгү Аллахка болгон ишеничти бир дагы пенде биле албайт. Адашып жүргөндөрдүн сөзүнө көңүл бурбайлы. Ал дагы бир күнү оңолот»,- деп катталуучусунун суроосуна жооп берген.
