Аба ырайынын кескин өзгөрүшүнөн улам көпчүлүк аймактарда кар жаап, жол тазалоо иштери тынымсыз жүрүүдө. Бул тууралуу Транспорт жана коммуникациялар министрлиги кабарлады.
Маалыматка ылайык жолдордо күнү-түнү кум-туз аралашмасын себүү жумуштары аткарылып жатат.
Бүгүн саат 09:00го карата Бишкек-Ош жолундагы Төө-Ашуу жана Ала- Бел ашууларында оор жүк ташуучу унааларга киргизилген убактылуу чектөө күчүндө.
Министрлик кандай кырдаал жаралбасын каршы тилкеге чыкпай, жол эрежесин так сактоого жана унаа дөңгөлөктөрүн кышкыга алмаштырып алууга чакырат.
