Эл артисти Ашыраалы Айталиевдин 95 жылдыгына арналган республикалык айтыштын финалдык туру жыйынтыкталды. Айтышта баш байгеге Амантай Кутманалиев ээ болду.
Жогорку Кеңештин төрагасы Талант Мамытов акындарды куттуктап, баш байгенин ээси Амантай Кутманаливге атайын диплом жана 200 миң сом акчалай сыйлык тапшырды. Биринчи орунду төкмө акын Акматбек Султан ээлесе (150 миң сом), экинчи орун Баян Акматовго (100 миң сом) буюрду. Үчүнчүлүктү Мамбеттокто Орозо (50 миң сом) ээледи. Ал эми калган катышуучуларга 35 миң сомдон берилген.
Белгилей кетсек, сынак «Айтыш» коомдук фонду жана Маданият, маалымат, спорт жана жаштар саясаты министрлиги тарабынан уюштурулуп, улуттук филармонияда өттү. Тандоо туруна 49 акын катышып, финалга өткөн 12 акын күч сынашкан.
