Саламаттыкты сактоо министри Алымкадыр Бейшеналиев мындан ары журналисттерге интервью бербей турганын айтты. Бул тууралуу өзү 7-каналга билдирди.
«Мага интервью бербе дешти. Ким айтканы сыр болсун. Асмандан жерге түш дешти. Мен макул дедим. Исманкуловду «даканса» бүтүрмөй болдум. Менин кыялым «Алтын балалык» борборун бүтүрүү. Ушул эки иш калды. Бирөөнүн куйругун басып коюптурмун. Ошол үчүн чалып, интервью сурап жаткан журналисттер таарынбасын. Мага алар чалбай деле коюшса жакшы болмок. Мен медиктерге да үй кура албай калат экем. Мамлекет курат дешти. Медиктерден да кечирим сурайм»,- деди ал.
