Кыргызстан Украинадагы кырдаалда Орусияны колдойт деп Даниядагы өнөктөшү буга чейин түзүлгөн келишимди үзгөнүн бийчи Атай Өмүрзаков социалдык тармактагы баракчасына билдирди.
«Даниядан телефон чалышып, биздин келишим үзүлгөнүн билдиришти. Биз пандемиядан улам эки жыл иштеген эмеспиз, эми бир канча жылга тыюу салды. Эми жумуш издейин деп жатам, артисттик кесип мен жана окуучуларым үчүн бүттү. «Силердин өлкө агрессорду колдоду. Биз силер менен кызматташа албайбыз» деп түшүндүрүштү. Мындай макам үчүн рахмат!», — деген ал.
Андан соң, «Мен өз өлкөмдү сүйөм жана мен жөнүндө жазган комментарийлер эч нерсени өзгөртпөйт. Кыйынчылыктарды айтуу мекенине чыккынчылык кылуу эмес, тескерисинче, кайдыгерликти билдирет!»,-деп жазган.
