Бүгүн, 14-апрелдеги Жогорку Кеңештин жыйынында депутат Шайлообек Атазов кыргызстандык спортчулар Айсулуу Тыныбекова менен Акжол Махмудов Монголиядагы Азия оюндарына бара албай жатканын айтты.
«Кыргыз спорчуларынын ийгиликтери мамлекеттин, улуттун жүзү. Бүгүн, Акжол Махмудов жана Айсулуу Тыныбекова Монголиядагы Азия оюндарына уча албай жатат. Финансы министрлиги Олимп оюндарынын күмүш медалдалдарынын ээлеринин билетине акча которбой жатат. Ошол министрликтеги кыргыз спортун түшүнбөгөн адистердин айынан ушундай жатат. Алар «фонд ачып, акчаны элден топтоп барбайсыңарбы» деп айтып жатышыптыр. Бул эмне деген мамиле?», — деди Атазов.
Аталган маселени чечүү үчүн парламенттин төрагасы Талант Мамытов президенттин жана Министрлер кабинетинин Жогорку Кеңештеги өкүлү Алмасбек Абытовго кайрылып, протоколдук тапшырма берди.
Посмотреть эту публикацию в Instagram
