Күн сайын коомдук транспорттун 10дон ашык жүргүнчүсүнө айып салынууда. Бул тууралуу муниципалитеттен билдиришти.
«Бишкек шаардык транспорт» муниципалдык ишканасынын кызматкерлери жана «Тулпар» компаниясы менен биргеликте коомдук транспортто жол кирени төлөөнү текшерүү боюнча рейддерди улантууда.
Аталган рейдде жол акысын төлөбөгөн жана талон албаган жургүнчүлөргө протоколдор түзүлүп, 1000 сом өлчөмүндө айып салынууда.
«Урматтуу жүргүнчүлөр! Коомдук транспортто накталай акча төлөгөндө, талон алууну унутпаңыз. Ар бир каттамдын өзүнчө номурдагы талону болот жана ал талондор кийинки каттамга жараксыз экенин эскертебиз»,-деп айтылат маалыматта.
