Бишкекте 2-сентябрдан тарта коомдук транспорттун тилкесине түшкөн айдоочуларга айып пул салына баштайт. Бул тууралуу Милициянын кайгуул кызматынан эскертти.
Айыптын суммасы 1000 сом, эгерде бир айдын ичинде төлөнсө, 70 пайыз жеңилдик (300 сом) каралат.
Кайгуул милициясынан бүгүнчө троллейбус, автобус жүрүүчү тилкеге кирип кеткен айдоочуларга эскертүү берип турушарын айтышты.
Мэрия буга чейин Бишкектин жолдорунда коомдук транспорт: автобус, троллейбус жана маршрутка жүрө турган атайын тилке бөлүү демилгесин көтөргөн.
