Кадамжайда Нурхан Кочкорова ажылыкка деп топтогон каражатына эки айылды бириктирген көпүрө куруп берди.
Кечээ, 24-апрелде Кадамжай районунун Кызыл-Булак айылында көпүрөнүн ачылышы болуп, пайдаланууга берилди.
Нурхан апанын айтымында, ал 43 жашында жолдошунан айрылып, жесир калган.
“Жолдошум 43 жашында каза болуп калган. Ага түбөлүк сооп жетип турсун деп өз каражатымдан көпүрө куруп берүүнү ниет кылдым эле. Ажыга барсам өзүм үчүн гана барат экенмин. Мен көпчүлүк үчүн пайдалуу иш жасагым келди”,-дейт Нурхан эне.
