Азия өнүктүрүү банкы 30 жыл аралыгында Кыргызстандын бардык секторлоруна жалпысынан 3 млрд АКШ долларынан ашуун каражат бөлдү. Бул тууралуу Азия өнүктүрүү банкынын Кыргызстандагы өкүлчүлүгүнүн директору Чжэн Ву билдирди.
Анын айтымында, кызматташтык муну менен гана чектелбестен, мындан ары да кеңейип, өнүгө бермекчи.
«Сиздердин колдооңуздардын аркасында акыркы жылдары ишке ашырылып жаткан бардык долбоорлорду тыкыр көзөмөлдөп турабыз. Алардын көпчүлүгү ийгиликтүү ишке ашып келет. Айрыкча регионалдык долбоорлордун натыйжалуу аткарылып жатканы мени өзгөчө кубандырат», – деп белгиледи Чжэн Ву.
