Азия өнүктүрүү банкы инфраструктура, айыл чарба жана өлкөнүн туруктуу өнүгүүсүнө артыкчылык берүү менен Кыргызстан менен кызматташууну кеңейтүүгө ниеттенүүдө. Бул тууралуу АӨБнын аймактык кеңсесинин башчысы Чжэн Ву журналисттерге билдирди.
Анын айтымында, Кыргызстан акыркы 30 жылда 3 миллиард доллардан ашык каражат алып, долбоордун портфели өсүүнү улантууда жана энергетика, жашыл экономика, жеке секторду өнүктүрүү негизги багыттар болот.
«1994-жылдан бери АӨБ Кыргызстандын өнүктүрүү боюнча негизги өнөктөшү болуп саналат. АӨБ инфраструктура жана башка секторлор үчүн 3 миллиард доллардан ашык каражатты каржылады жана өздөштүрдү. Биздин кызматташтык мындан ары да уланат», — деди ал.
Чжэн Ву ошондой эле өлкөнүн экономикалык өсүшүн белгиледи.
«Акыркы үч-төрт жылда биз Кыргызстандын ИДПсы эки эсеге өскөнүн көрдүк. Бул экономикалык өсүштүн негизги көрсөткүчү. Дүйнөлүк банк жана АӨБ сыяктуу өнүктүрүү боюнча өнөктөштөр адатта ИДП көбөйгөндөн кийин грант берүүнү токтотушат. Биз, мисалы, айыл тургундарынын жашоо сапатын жакшыртууга багытталган долбоорлорго жеңилдетилген насыяларды берүү үчүн ресурстарды мобилизациялоону улантуудабыз», — деп белгиледи ал.
