Бүгүн, 15-мартта жаан-чачын күтүлбөйт. Тоо этектеринде жана тоолуу райондордо жолдор тоңуп, тайгак болот. Бул тууралуу Кыргызгидромет маалымдайт.
Маалым болгондой, айрым жерлерге туман түшүүсү күтүлөт. Шамалдын багыты өзгөрүлүп, секундасына 1-6 метрге жетет.
Абанын температурасы Чүйдө +6…+11, Талас аймагында +5…+10, Ош, Жалал-Абад облустарында +9…+14, Ысык-Көл жергесинде +3…+8, Нарын өрөөнүндө +2…+7 градус жылуу болот.
Күндүн табы борбор калаа Бишкекте +8…+10, Ош шаарында +10…+12 градуска чейин көтөрүлөт.
