Баңгизаттарды таратуу менен алектенген уюшкан кылмыштуу топтун мүчөлөрү кармалды. Бул тууралуу УКМКнын басма сөз кызматы билдирет.
Аталган факты Кылмыш-жаза кодексинин 282-беренесинин 2-бөлүгүнүн 2-пункту (Баңгизат каражаттарын, психотроптук заттарды алардын аналогторун сатып өткөрүү максатында мыйзамсыз даярдоо) кылмыштын белгилери боюнча Кылмыштардын бирдиктүү реестрине катталган.
Алынган материалдын алкагында, чек арадан өткөн баңгиканалдардын ишине бөгөт коюлду.
Өзбекстандан 5,350 кг. «гашиш» баңгизатын сатып алуу жана андан нары бөлүштүрүү учурунда Өзбекстандын Анжиян шаарынын 1993-жылкы С.С.М., 1994-жылкы Н.Д.Д., 2003-жылкы Т.С.Б. жана 1995-жылкы У.М.К. аттуу жарандар кармалды.
