Бакыт Төрөбаев Министрлер кабинетинин төрагасынын орун басарынын милдетин аткаруучу болуп дайындалды. Бул тууралуу президенттин басма сөз кызматы билдирет.
Маалыматка ылайык, жарлыкка президент Садыр Жапаров кол койду. Жарлык менен Министрлер кабинетинин төрагасынын орун басарынын кызмат ордуна дайындоого Төрөбаев Бакыт Эргешевичтин талапкерлигин Жогорку Кеңешке макулдашуу үчүн киргизүү токтом кылынат.
Ал эми Министрлер кабинетинин төрагасынын орун басары Аалиев Азиз Кубанычбекович башка ишке өткөндүгүнө байланыштуу ээлеген кызматынан бошотулду.
