Бразилиянын Блуменау шаарында 5-апрель күнү балта кармаган 25 жаштагы жигит бала бакчанын тосмосунан кирип, төрт баланы өлтүргөн. Бул тууралуу Вести.Ру жазып чыкты.
Алдын ала маалыматтарга караганда, кол салган адам “Cantinho Bom Pastor” бала бакчасынын аймагына эртең менен саат тогуздар чамасында кирген. Жалпысынан мекемеде 40ка жакын бала болгон. Кылмышкер алардын төртөөнү өлтүрүп, дагы төртөө жарадар болгон. Андан соң, кол салган адам милиция бөлүмдөрүнүн бирине келип, тартип сакчыларына багынып берген.
Кылмыштын себептери иликтенип жатат, милиция шектүү жабырлануучуларды туш келди тандап алган деп болжолдоодо.
