Башкы прокурор Максат Асаналиев Балыкчы шаарынын прокуратурасынын административдик имаратын расмий түрдө ачты. Бул тууралуу Башкы прокуратурадан билдиришти.
Иш-чарада башкы прокурор бул административдик имарат прокуратура органдарынын ишмердүүлүгүн заманбап талаптарга ылайык жүргүзүүгө шарт түзүп, жарандар менен иш алып баруунун институционалдык мүмкүнчүлүктөрүн кеңейтүүгө багытталгандыгын билдирди.
Белгилей кетсек, прокуратура органдарынын материалдык-техникалык базасын чыңдоого багытталган иштер мындан ары да ырааттуу түрдө улантылат жана бул чаралар укук коргоо системасынын натыйжалуулугун арттырууга кызмат кылат.
