Баткен облустук сотунун катчысы пара алып жаткан жеринен кармалды. Бул тууралуу УКМКнын басма сөз кызматы билдирет.
«УКМК тарабынан коррупциялык көрүнүштөрдүн алдын алуу жана бөгөт коюу боюнча жүргүзүлгөн иш-чаралардын алкагында кылмыштардын бирдиктүү реестрине катталган материалдардын негизинде, Кылмыш-жаза кодексинин 342-беренесинин 1-бөлүгүнүн 2-пункту (Пара алуу) боюнча 300 миң сом ири өлчөмдөгү акча каражатын кайтарып берип жаткан жеринен Баткен облустук сотунун катчысы Х.у.Ш. кармалды.
Кармалган жаран акча каражатын алып, соттордон оң чечим чыгарууга көмөк көрсөтүүгө убада берген»,- деп берилет маалыматта.
Учурда тиешелүү иликтөө иштери жүрүп жатат.
