Баткен облусунун Кызыл-Кыя шаарында каракчылык кылып жүргөн жарандар кармалды. Бул тууралуу Баткен ОИИБнын басма сөз кызматы билдирди.
Маалым болгондой, 12-февраль күнү саат 22.30дар чамасында Кызыл-Кыя шаарындагы Сухой сай участкасында Кызыл-Кыя шаарынын 72жаштагы тургунунун үйүнө бейтааныш болгон жашы болжол менен 25-30 жаштагы эки азиат улутундагы балдар барып, балта менен күч колдонуп коркутуп, аны себепсиз уруп чөнтөгүндөгү 3500сом акчасын ачык түрдө тартып алып изин жашырып качып кетишкен.

Бул факты Кызыл-Кыя ШИИБне Кыргыз Республикасынын КЖБРне Жазык кодексинин 202-беренеси (каракчылык) менен катталып сотко чейинки өндүрүш иши ачылган.
Кызыл-Кыя ШИИБнин криминалдык милиция кызматы тарабынан жүргүзүлгөн ыкчам иликтөө иштеринин натыйжасында кылмышка шектүү катары мурда эки жолу сот жообуна тартылган Араван районунун Төө-Моюн айылынын 23жаштагы С.Г. жана Кызыл-Кыя шаарынын 30жаштагы тургуну мурда оор беренелер менен соттолгон И.А.аттуу тургуну аныкталып кармалып, убактылуу кармоо жайына киргизилди.
Азыркы күндө тергөө иштери жүрүп жатат.