Бүгүн Баткен шаарында Баткен шаарында бийиктиги 35 метр болгон туу көтөрүлдү. Бул тууралуу президенттин аймактагы өкүлчүлүгүнөн билдиришти.
Аземге президенттин өкүлү Айбек Шаменов, шаар мэри Сейтек Кулубаев баштаган жетекчилер, шаар тургундары катышты.
«Кыргызстандын мамлекеттик туусун көтөрүү аземинин өтүп жатышы – бул эгемендүүлүгүбүздүн жана келечекке болгон ишенимибиздин белгиси. Ал ар бир кыргызстандыкты мекенге болгон сүйүүгө, жоопкерчиликке үндөйт», — деди облус башчысы.
35 метрлик желек сап жана анын инфраструктурасы Баткен шаарындагы «Жаштык» жана «Жеңиш» эс алуу парктарынын реконструкциялоо долбоорунун негизинде АРИС уюму тарабынан ишке ашырылган «Баткен облусун регионалдык экономикалык өнүктүрүү» программасынын алкагында жасалды.
