Баткенде аткезчилик жол менен ташылып бара жаткан дан азыктары аныкталды. Бул тууралуу Баткен ОИИБнын басма сөз кызматы билдирди.
Маалыматка ылайык, 4-апрель күнү Кадамжай районунун Көтөрмө айыл аймагында 2 жүк ташуучу унаа токтотулган.
Текшерүүдө Ош облусунун Кара-Суу районунун тургундарынын башкаруусунда келе жаткан бул унаалардагы дан азыктары Өзбек Республикасынын Фергана облусунун Риштан районунун Шахимардан анклавына аткезчилик жол менен бара жаткандыгы белгилүү болуп, кармалды.
Бул факты Кадамжай РИИБнин маалыматтардын электрондук журналына катталып, кармалган унаалар атайын токтотулуучу жайга киргизилген.
Учурда тергөө иштери жүрүп жатат.
