30-апрель түнү, Бишкек шаардык мэриясы Баткен облусуна 100 тоннадан ашык гуманитардык жардам жиберди. Андан сырткары 1 күндүк айлык маянасын берүү чечимин кабыл алышкан.
Бул тууралуу Бишкек шаарынын мэринин милдетин аткаруучу Бактыбек Кудайбергенов билдирди.
«Баткен элине суммасы 6 миллион сомду түзгөн 100 тоннадан ашык тамак-аш азыктарын гуманитардык жардам катары жөнөтүп жатабыз. Мындан тышкары мэриянын бардык түзүмдөр бир күндүк маянасын которушту. Бул 2 миллион сомго жакын болот. Каражатты өкмөттүн атайын эсебине которуп беребиз. Азыр баарыбыз баткендик туугандарыбызды колдошубуз керек«, — деп билдирди Бактыбек Кудайбергенов.
Мындан тышкары Бишкек шаарынын 4 районунда гуманитардык жардамды кабыл алуу бөлүмдөрү ачылды. Ал жерге каалоочулар көмөк көрсөтө аларын кошумчалап өттү.
