Билим берүү министрлигинин ордуна эки министрлик түзүлөт. Бири Агартуу министрлиги болсо, экинчиси Илим, жогорку билим берүү жана инновациялар министрлиги деп аталат.
Тиешелүү жарлыкка президент кол койду.
-Агартуу министрлиги мектепке чейинки, башталгыч, негизги жана жалпы орто билим берүү, баштапкы кесиптик билим берүү чөйрөсүндөгү функцияларды аткарат
-Илим, жогорку билим берүү жана инновациялар министрлигине илимий, илимий-техникалык жана инновациялык иш, орто, жогорку жана жогорку окуу жайынан кийинки кесиптик билим берүү, интеллектуалдык менчик чөйрөсүндөгү функциялар жүктөлмөкчү.
Жарлыкка ылайык, Улуттук аттестациялык комиссия Илим, жогорку билим берүү жана инновациялар министрлигине караштуу Жогорку аттестациялык комиссия болуп кайра түзүлдү.
