Чүйдө бир түндө эки адамдын жансыз денеси табылды. ӨКМнын басма сөз кызматынан билдиргендей, кызматкерлер Кара-Балта шаарындагы Бейшеналиев көчөсүндө жайгашкан көп кабаттуу үйдүн батиринин бекилип калган эшигин ачышкан. Батирдин ичинен 82 жаштагы эркек кишинин жансыз денеси табылып, ИИМдин кызматкерлерине өткөрүп беришкен.
Андан сырткары Бишкек шаарындагы Табышалиев көчөсүндөгү көп кабаттуу турак үйдүн батирлеринин биринде жашаган ээси байланышка чыкпай жана батирдин тышкы эшиги ачылбай жаткандыгын айтып, 112 кызматына кабарлашкан.
Куткаруучулар бекилип калган эшикти ачышканда, батирдин ичинен 86 жаштагы аял кишинин жансыз денеси табылган.
