18 март түнкү саат 24:00 карата Бишкек-Нарын-Торугарт унаа жолунда тынымсыз тазалоо иштерин жүргүзүүнүн натыйжасында Кочкор тарабынан түшкөн кар көчкүнүн болжолдуу 48 000 м3 кар көчкүсү тазаланып, бир тараптуу унаа жолу ачылды. Бул тууралуу ӨКМнын басма сөз кызматы билдирди.
Маалыматка ылайык, учурда унаа жолду кеңейтүү иштери аткарылууда. Ал эми Нарын тарабына түшкөн көчкүнүн болжолдуу 32 300 м3 көлөмү тазаланып, жалпы жонунан болжол менен 80 300 м3 кар тазаланды.
Кар көчкүнү тазалоо иштерине 12 погрузчик, 1 кар түртүүчү унаасы, 3 эксковатор тартылып, кошумча облустук суу чарба башкармалыгынан 1 бульдозер жеткирилген.
Белгилей кетсек, Кочкор районунун Сары-булак айылында жана Нарын районунун Оттук айылында жылытуу пунктары уюштурулуп, турак жайларга жаткырылган жарандарга, иштеп жаткан кызматкерлерге, унаа каттамындагы топтолгон жүргүнчүлөргө жалпысы 217 жаранга айыл аймагындагы жергиликтүү администрация жана Кызыл жарым ай коому тарабынан ысык тамак уюштурулуп берилүүдө.
