Бишкек, Ош жана Токмок шаарларында катуу кармаган респиратордук инфекцияларга жана сасык тумоого окшош ооруларга көзөмөл жүргүзүү улантылууда.
ДССУнун сунуштарына ылайык, оорунун стандарттык аныктамалары боюнча бейтаптарды сасык тумоого текшерүү жүргүзүлөт. Октябрдан азыркы убакка чейин (2022-жылдын 40-49 жумасына чейин) бардыгы болуп 1149 үлгү изилденген, анын ичинен 246сы сасык тумоо экени аныкталган.
- Анын ичинде:
- Сасык тумоо А/H1N1pdm (чочко тумоосу) 48% (118),
- Сасык тумоо В — 41,5% (102),
- Типсиз — 7,3% (18),
- Грипп A/H3N2- 1,2% (3),
- H1N1 сезондук — 2% (5).
- COVID-19 инфекциясы 38 үлгүдө аныкталган.
Бүгүнкү күндө өлкөдө жүргүзүлүп жаткан мониторингге ылайык, коронавирус инфекциясы боюнча эпидемиологиялык абалдын турукташуу тенденциясы байкалууда. Республикада бирин-экин учурлар катталган, алар жеңил жана симптомсуз түрдө өтүүдө.
