Жалал-Абадда Бишкек — Ош унаа жолуна түшкөн кар көчкү тазаланып, жеңил унаалар үчүн каттам ачылганын ӨКМнын басма сөз кызматы билдирди.
Билдирүүгө ылайык, бүгүн эртең мененки саат 05:30 чамасында Бишкек-Ош унаа жолунун болжол менен 223-чакырымында (Шаркыратма тилкеси) жалпы көлөмү 12 000 м3 кар көчкү түшкөн.
Тазалоо иштерин жүргүзүү үчүн жерине №23 ЖТИден 2 жүктөгүч, 1 грейдер, 1 МАЗ, ӨКМнин Токтогул райондук өзгөчө кырдаалдар бөлмүнүн ыкчам тобу тартылып, саат 07:15те жол толук тазаланып ачылды.
Эскерте кетсек, «Арал» постунда саат 07:20да жеңил унааларга болгон каттам ачылды, оор жүк ташуучу унааларга болгон чектөө алына элек.
