Бишкек — Ош унаа жолундагы кар көчкү тазаланып, жолдор ачылды. Бул тууралуу ӨКМнин басма сөз кызматы билдирди.
Маалыматка ылайык, Токтогул районунда 2021-жылдын 24-февраль күнү саат 06:40 чамасында Бишкек-Ош унаа жолунун 223-чакырымында (Шаркыратма тилкеси) жалпы көлөмү болжол менен 360м3 кар көчкү унаа жолго түшүп, жол жабылган. Кар көчкүдөн жабыркагандар катталган эмес.
«Тазалоо иштерине №23 жол тейлөө ишканасынан 2 жүктөгүч, 1 грейдер, КР ӨКМнин Токтогул райондук бөлүмүнүн ыкчам тобу, унаа жолдун 238-чакырымында (Итагар станциясы) нөөмөттө турган ӨКМдин 3 куткаруучусу тартылган. Тартылган техникалардын жардамында саат 08:00дө унаа жол толугу менен тазаланып ачылды», — деп берилет маалыматта.
