Бишкек-Ош жолу кечкисин бардык унааларга жабык болот. Бул өлкөдөгү аба ырайынын кескин өзгөрүшүнө байланыштуу. Бул тууралуу Өзгөчө кырдаалдар министрлиги билдирди.
Бул кадам магистралдагы жол кыймылынын коопсуздугун камсыздоо жана жол тыгындарын алдын алуу максатында ишке ашырылууда. ӨКМ Бишкек-Ош жолунда кар көчкү түшүүсү күтүлүүдө деп маалымдады. Бардык автоунааларга «Сосновка», Жалал-Абад облусунун Токтогул районунун “Арал” өткөрмө бекеттеринде саат 22:00дөн тартып таңкы саат 06:00гө чейин чектөө киргизилет.
