Бишкекте 13 жаштагы кызды зордуктоого шектелген дагы бир милиция кызматкери кармалды. Бул тууралуу Бишкек ШИИБден билдиришти.
Маалыматка караганда, Бишкек ШИИБдин кызматкерлери Свердлов районунун прокуратурасы жана райондук ички иштер бөлүмүнүн ыкчам кызматкерлери менен биргеликте Ленин РИИБдин 39 жаштагы инспекторун кармашкан. Ал убактылуу кармоочу жайга киргизилген.
18-февралда Бишкектеги Биринчи Май РИИБге 13 жаштагы кыздын апасы арыз менен кайрылган. Ал өз арызында анын 2008-жылы туулган кызын Кулиев көчөсүндөгү үйдө 16-февралда саат 21:00 чамасында зордуктаган жаранга чара көрүүнү суранган. Аталган факты каттоого алынып, Жазык кодексинин 154-беренеси (зордуктоо) менен кылмыш иши козголгон. Кылмышка шектелип, 2003-жылы туулган жаран кармалган. Ал эми 3-мартта милиция кызматкерлери тарабынан Свердлов РИИБдин участкалык кызматкери кармалган.
