Ушул жылдын 16-январында Бишкек шаарындагы Павлов көчөсүндө жайгашкан жеке мейманканалардын биринен болжол менен 50-55 жаштар чамасындагы аялдын жансыз денеси табылган. Жансыз денени кароо учурунда зомбулуктун белгилери байкалган эмес.
Аталган факты Ленин РИИБге каттоого алынган. Милиция коомчулуктан аял кишинин аты-жөнүн тактоого жардам сурайт.
Белгилери: бою 165-170 см, арык, мурду түз, чачы кара, кашы түз.
Өзгөчө белгилери: Үстүнкү жаагынын сол жагындагы 5 тиши жок.
Кийген кийими: Боз футболка, кызгылт шым.
Сүрөттөгү аял кишини тааныгандар болсо, 0 (312) 352-605, 0 (705) 450-553, 0 (551) 088-330, 0 (553) 102- 465 номурларына кабарлап койсоңуздар болот.
