Бишкекте 38 жаштагы жаран алдамчылыкка шектелип кармалды. Бул тууралуу Октябрь РИИБинин басма сөз кызматы кабарлады.
Маалыматка ылайык, сентябрдын аягында борбор калаанын тургуну милицияга арыз менен кайрылган. Анда алдоо жолу менен ишенимге кирип 3 миң 300 доллар болгон ашкана эмеректерин сатканын, бирок кардар убадасын аткарбай алдап качып жүргөнүн айткан.
Бул факты Кылмыштардын жана жоруктардын бирдиктүү реестрине катталган.
Кылмышка шектүү катары 1983-жылы туулган К.А. аттуу жаранды кармап, ал убактылуу кармоочу жайга, кийин соттун чечими менен СИЗО-1ге камакка алынган.
Учурда милиция кызматкерлери шектүүнү башка дагы кылмышка тиешеси барбы териштирүүдө.
