Чүй менен Исанов көчөлөрүнүн кесилишинде 3 кыз жалгыз кызга кол салган видео социалдык тармактарга 10-июлда тараган. Милиция учурда тергөө иштери жүрүп жатканын билдирди.
«Бул факты Биринчи Май РИИБге катталып, Кылмыш-жаза кодексинин 280-беренеси (бейбаштык) менен кылмыш иши козголгон. Мындан тышкары, соттук-медициналык экспертиза дайындалып, анын корутундусуна ылайык, жарандын денесинен алган жаракаттары «ден соолукка жеңил залал келтирүү» деп табылды. Иликтөө иштеринин жүрүшүндө мушташтын бардык катышуучулары аныкталып, алар райондук ички иштер бөлүмүнүн тергөө кызматына жеткирилип, келүү убадасы менен бошотулган»,- деп билдиришти Биринчи Май РИИБден.
Учурда тергөө амалдары жүрүп жатат, жыйынтыгында тиешеси бар адамдарга юридикалык баа берилет.
