Кечээ Бишкектеги ат майданында чагылган тийип каза болгон өспүрүм 15 жашта болгон. Бул тууралуу Ленин РИИБден кабарлашты.
Кырсык тууралуу маалымат түшкөндөн кийин жерине ыкчам-иликтөө иштерин жүргүзүү үчүн милиция тез жетип барган. Өспүрүм Тез жардам кызматы алып кеткенден кийин ооруканада үзүлгөн. Кырсыктан кабары болгон адамдар көз жумган өспүрүм ат таптаган саяпкердин уулу болгонун айтышты.
Окуядан кийин Бишкек мэриясы маалымат таратып, ипподромду пайдаланганга болбойт деген талаптарга карабастан айрым жеке жактар ат таптап келишкенин билдирген.
