Бишкекте эки унаа кагышып, айдоочулар жаракат алды. Бул тууралуу Милициянын кайгуул кызматынын басма сөз кызматы билдирди.
Маалыматка ылайык, ушул жылдын 24-апрелде болжол менен саат 23:00 чамасында «Хонда Фит» үлгүсүндөгү авто унаа Жукеев-Пудовкин көчөсү менен түштүк тарапка бара жатып, Саманчина көчөсүнүн кесилишинен «Тойота-Каролла» үлгүсүндөгү Жол кыймылынын коопсуздугун камсыздоо башкы башкармалыгынын кызматтык унаасынын катышуусунда жол кырсыгы орун алды.
Жол кырсыгынын натыйжасында эки айдоочу тең жаракат алып ооруканага жеткирилген.
Учурда эки унаа тең убактылуу токтотуучу айып короо жайына токтотулуп, жол кырсыгынын келип чыгуу себептери такталууда.
