Милициянын кайгуул кызматы тарабынан мыйзамсыз орнотулган көрнөк-жарнактар үчүн 67 миң 500 сом айып салынды. Бул тууралуу аталган кызматтан билдиришти.
Бишкек ШИИБ боюнча Милициянын кайгуул кызматынын жол көзөмөлдөө бөлүмү унаа жүрүүчү жол жээктерде Кыргыз Республикасынын “Автоунаалар жүрүүчү жолдор” тууралуу мыйзамына туура келбеген туура эмес орнотулган көрнөк-жарнактар, баннерлер, көрсөткүчтөр, белгилер, плакаттар жана башка башаламан белгилер үчүн атайын, “Рекламный щит” аталышында рейддик иш-чара жүргүзүп, төмөнкү бузууларды аныктады;
— өз алдынча туура эмес жарнак-баннерлерди орнотуп алган 20 факты аныкталды;
— Кемчиликтери менен орноткон 7 жаранга кайрадан калыбына келтирүү үчүн эскертүүлөр берилди;
— Туура эмес орнотулган 13 көрнөк жарнактарга тийиштүү протокол толтурулуп, 67 миң 500 сом айып салынды.
