Бүгүн, 31-октябрда спортчуларды VI Ислам шериктештик оюндарына узатуу аземи болуп өттү. Бул тууралуу Дене тарбия жана спорт мамлекеттик агенттиги билдирет.
Маалым болгондой, Министрлер кабинетинин төрагасынын орун басары Эдиль Байсалов спортчулар менен жолугушуп, Кыргызстандын курама командасынын өкүлдөрү Илим Бакытбек уулу менен Айпери Медет кызына мамлекеттик тууну тапшырды.
Белгилей кетсек, VI Ислам шериктештик оюндары 7-21-ноябрда Сауд Араб Падышалыгынын Эр-Рияд шаарында өтөт. Кыргызстандын намысын 19 спорт түрү боюнча 137 спортчу коргойт.
