Бишкекте турак үйдөн өрт чыгып, 200 чарчы метр аянты күйүп кетти. Бул тууралуу ӨКМдин басма сөз кызматынан билдиришти.
Маалым болгондой, өрт кечээ, 15-октябрда түнү Свердлов районундагы Акылбеков көчөсүндө жайгашкан турак үйдөн чыккан.
Өрттү өчүрүүгө саат 23:11де Свердлов райондук №3 өрт-куткаруу бөлүгүнөн 1 күжүрмөн эсеп, саат 23:19да кошумча №3 ӨКБдан 1 күжүрмөн эсеп, саат 23:23тө Октябрь райондук №7 өрт-куткаруу бөлүгүнөн дагы 1 күжүрмөн, жалпы 3 бөлүм жана штаб тартылды.
Ыкчам аракеттердин натыйжасында өрт саат 00:11де чектөөгө алынып, саат 02:42де толук өчүрүлгөн.
Тилсиз жоонун жалпы аянты болжол менен 200 чарчы метрди түзгөн. Жабыркагандар жок.
