Бишкек милиция кызматкерлери ири суммадагы алдамчылыкка шектелип издөөдө жүргөн жаранды кармады. Бул тууралуу Октябрь РИИБнин басма сөз кызматы билдирди.
Маалыматка ылайык, 2020-жылдын 23-декабрында Бишкек шаардык Октябрь райондук ИИБне Т.А. аттуу жарандан «А.» аттуу жаранга чара көрүү жөнүндө арыз келип түшкөн. Айыпталуучу ошол эле жылдын октябрь айында 7-кичи районунан жабырлануучунун ишеничине кирип 2016-жылы чыккан 45 миң АКШ долларлык «Range Rover Sports» үлгүсүндөгү автоунаасын алып, акчасын ошол бойдон бербей из жашырган.
Бул факт Кылмыштардын жана жоруктардын бирдиктүү реестрине катталып, Кылмыш жаза кодексинин 204-беренесине (алдамчылык) ылайык сотко чейинки тергөө иши башталган.Октябрь райондук ИИБнин ыкчам-иликтөө иликтөө иш-чараларынын алкагында 1997-жылы туулган А.У. аттуу жарандын өздүгү аныкталып, тергөө кызматына жеткирилди.
Учурда шектүүнүн мындан башка дагы кылмыштарга катыштыгы бар же жогу тууралуу ыкчам тергөө иш аракеттери жүргүзүлүп жатат.
