Бишкек шаарынын Свердлов райондук ички иштер башкармалыгынын ыкчам кызматкерлери тарабынан тоноого шектүү кармалды. Бул тууралуу аталган райондук милициядан билдиришти.
Маалыматка караганда, Бишкектин тургуну (аял киши) чала таанышына чара көрүүнү суранып, арыз жазган. Арызда 12-март күнү саат 04:00 чамасында физикалык зомбулук көрсөтүп акчалай 800 лирасын, 5000 сомун жана Айфон 11 уюлдук телефонун ээлеп алган, андан соң белгисиз тарапка из жашырып кеткен. Аталган факт Бишкек шаарынын Свердлов РИИБдин кылмыштардын бирдиктүү реестрине катталып, Кылмыш-жаза кодексинин 206-беренесине ылайык (тоноо) кылмыш иши козголгон.
Жүргүзүлгөн издөө-иликтөө иш-чараларынын жүрүшүндө Свердлов райондук ички иштер башкармалыгынын кылмыш иликтөө кызматкерлери тарабынан кылмышка шектүү катары 1995-жылы туулган жаран кармалган. Ал Тергөө кызматына жеткирилип, Бишкек ШИИБдин убактылуу кармоочу жайына киргизилген. Мындан тышкары, шектүүнүн кылмыштын башка фактыларына тиешеси бар экендигин аныктоо боюнча мындан аркы тергөө-ыкчам иш-чаралары улантылууда.
