Кечээ Ала-Тоо жаңы конушундагы жеке бала бакчанын жетекчиси беш жашар баланы сабап салганын балдардын укугун коргоочулар лигасынын жетекчиси Назгүл Турдубекова жазып чыккан.
Окуя боюнча Билим берүү министрлиги үн катып, өлкөдөгү бардык жеке бала бакчалардын ишмердүүлүгү көзөмөлгө алынарын айтышты. Маалыматка ылайык, аталган жеке менчик мектепке чейинки мекемеге министрлик лицензия берген эмес.
«Ата-энелер өз кезегинде балдарын жеке бала бакчаларга берүүдөн мурун мекеменин документтери менен таанышып, эки тараптуу келишим түзүшү керек», — деп айтылат маалыматта.
